كفته مشوية koftta Grilled

المقادير والطريقه:

ربع كيلو لحمه مفرومه
3 بصلات كبار مبشورين بالمبشره وعليهم ملعقه صغيره خل ورشه فلفل اسود وملح ونسيبهم دقائق بسيطه 

هنعصر البصل كويس وناخد تفل البصل في اناء عميق ونحط عليه شويه بقدونس مفروم ناعم بالسكينه حوالي 4 ملاعق كبار ونحط علبهم ملح وفلفل حسب الرغبه ونحط عليهم اللحمه المفرومه ونعجنهم كويس ولو اللحمه حمرا هنضيف ملعقه زيت كبيره عليهم اما لوفيها نسبه دهن يبقي مش هنحط الزيت

وبعدين هنستخدم ملعقه خشب او اي حاجه نصبع عليها الكفته ونبلها بماء البصل ونبل ايدينا وهنكون مقسمين اللحمه كور متساويه وناخد كل كوره ونصبعها علي الملعقه الخشب الايد بتاعها وقبل كل صوباع هنبل الملعقه بماء البصل ونبل ايدينا

ونحطهم في صينيه مدهونه زيت ونرصهم ونغطيها ببلاستك فيلم وندخلهم التلاجه لحين وقت الاكل

هنخرجها من التلاجه قبلها بربع ساعه ويكون الفرن حامي جدا وندخل الصينيه الفرن

ولما تستوي ممكن نولع فحمه ونحطها علي ورقه فويل وعليها نقطه زيت ونغطي عشان يدينا طعم الشوي

وبالهنا والشفا

Dina Nada

سويسرول بالشوكلاته Swiss roll

المقادير :

• ربع كوب كاكاو بودر غير محلي ومنخول

• ثلث كوب دقيق + 1 ملعقه كبيره دقيق منخول+ نصف ملعقه بيكنج بودر

• رشه ملح - ملعقه صغيره فانيليا سائله او رشه فانيليا بودر

• 3 بيضات كبار + 2 صفار بيضه بدرجه حراره الغرفه

• نصف كوب سكر بودره

• 4 ملاعق كبيره زبده سايحه بارده= نصف استك زبده= 50 جم زبده 

للحشو:

• كريمه مخفوقه

• وهنحتاج سيرب خفيف عباره عن نصف كوب سكر وعليه كوب ماء وعصره لمون ونحطهم علي النار لحد لما يغلي ونطفي ونسيبه يبرد تماما

الطريقه:

• اولا هنسيح الزبده ونسيبها تبرد

• هنشغل الفرن علي 450 درحه فرنهيت او 230 درجه مئويه ونثبت الرف الشبكي الاوسط في منتصف الفرن

• هنحتاج صاج متوسط او مقاس 17ونص في 12 ونص

• هندهن الصاج زيت ونحط ورقه زبده او ورقه خبز وبعدين ندهنها زيت ونعفرها ببكاكاو بودر ونكون متاكدين ان مافيهوش كتل

• في وعاء ننخلط الدقيق والملح والكاكاو البودر والبيكنج بودر وننخلهم 

• في وعاء عميق نضع البيض والسكر البودر ونخفهم علي سرعه متوسطه لمده دقيقتين ثم علي سرعه عاليه لمده 4 دقائق ويكون الخفق في اتجاه واحد حتي يتضاعف الحجم وعندما نرفع المضرب الكهربي ونرسم حرف 8 يظل ثابت 

• هنضيف الدقيق علي دفعات مع التقليب باسباتيول او ملعقه خشب من اسفل لاعلي حتي لايخرج الهواء

• ثم بعد التاكد من خلط المواد الجافه جيدا يتم اضافه الزبده السايحه البارده من علي جانب الوعاء وخفقها من اسفل لاعلي 

• ثم يفرد الخليط في الصاج ويدخل الفرن المحمي مسبقا لمده من 6 ل 7 دقائق حتي نتاكد من سواه باننا نضع طرف السكين لما يطلع نضيف يبقي استوي

• هنكون مجهزين فوطه مطبخ قماش وعليها ورقه زبده وممكن نرش عليها كاكاو بودر او من غير اناعن نفسي مارشتش 

• اولماالصاج يطلع من الفرن بالسكينه نعمل الحواف عشان نتاكد انها مش لزقه ثم نقلبها علي ورقه الزبده ونشيل الورقه اللي ليه براحه ثم نلفه بالفوطه وعليها ورقه الزبده علي هيئه رول ونتركه جانبا حتي يبرد تماما

• لما يبرد تماما هنفتحه ثم باستخدام فرشه هندهنه براحه بالسيرب البارد في جميع الجهات مش كتير ثم نفرد الكريمه عليه ونرجع نلفه بالورق الزبده والفوطه القماش وندخله الثلاجه من نصف ساعه ل 3 ساعات قبل التقديم

• ثم يثقطع حلقات ويقدم

• من الممكن وضع قطع في طبق وفوقها بوله ايس كريم ثم صوص الشوكلاته ثم المكسرات كما بالصوره

وبالهنا والشفا

Dina Nada

خبز التورتيلا tortilla bread

يكفي لعمل 16 رغيف صغير او 8 ارغفه كبار

المقادير:

• 3كوب دقيق جميع الاستخدامات

• 1 ملعقه صغيره ملح

• نصف ملعقه صغيره بيكنج بودر

• ربع كوب زيت زيتون 

• 1 كوب ماء مغلي

الطريقه:

• في وعاء عميق يخلط الدقيق والملح والبيكنج بودر ثم يضاف زيت الزيتون والماء المغلي ويخلط جيدا ثم يعجن لمده 3 دقائق حتي تصير كره ملساء ثم يكور ويغطي ويترك جانبا لمده 15 دقيقه ثم يقسم ل 16 كره اذا اردنا رغيف صغير او 8 كرا لواردنا الحصول علي رغيف اكبر ويفرد بالنشابه بشكل دائري او من الممكن استخدام طبق ووضعه علي العجين بعد فرده وقطعه بالسكين علي شكل دائره

• ثم توضع مقلاه تيفال علي النار حتي تسخن جيدا ثم يوضع الرغيف ويترك لثواني ويتم الضغط عليه وتحريكه بملعقه خشب مسطحه او باستخدام قطعه قماش قطنيه ثم يقلب علي الجهه الاخري وهياخد سواه تقريبا دقيقه ثم يتم رفعه ووضعه علي قماشه نظيفه ولفه فيها ووضعه داخل كيس بلاستيك

• وبعد الانتهاء من كل الكميه يترك قليلا ثم يرفع من القماش وستجدي ان العيش لين جدا ومن السهل لفه واستخدامه في عمل سندوتشات او في عمل الكاسديا ومن الممكن المتبقي منك وضعه في اكياس ووضعه في الفريزر لحين الحاجه الي استخدامه

وبالهنا والشفا....

Dina Nada

كيكه الأناناس المقلوبة upside down cake

المقادير:

للكراميل:

• ثلثين كوب سكر
• 3 ملاعق كبيره زبده مقعطعه مكعبات بدرجه حراره الغرفه
• 6 شرائح اناناس طازج او معلب مقطع دوائر او علي حسب حجم الصيينيه

للكيك:

• كوب ونصف دفيق + 2 ملعقه بيكنج بودر+ ربع ملعقه صغيره ملح
• ا استك زبده= 100 جم= 6 ملاعق كبيره بدرجه حراره الغرفه
• 2 بيضه بدرجه حراره الغرفه
• ثلاث اربع كوب سكر
• ملعقه صغيره فانيليا سائله او رشه فانيليا
• بشر برتقاله
• نصف كوب عصير برتقال او استبداله بلبن (حليب)

الطريقه:

• صينيه حجمها تقريبا 22 او 24 او صينيه اقل شويه من صينيه المتوسطه
• نسخن الفرن 170 درجه مئويه او 350 فرنهنيت
• نضع صينيه علي البوتجاز ونسخنها ثم نضع السكر ونحركه قليلا حتي يذوب ثم نضيف الزبده وبمجرد انها تبدء تسيح نقلب ونرفع الصيينيه من علي النار
• نرص شرائح الاناناس ونتركها جانبا
• نخلط الدقيق والبودر والملح وننخله ونتركه جانبا
• في وعاء عميق نضع الزبده والسكر ونخفق بالمضرب الكهربي حتي نحصل علي قوام ناعم وخفيف ثم نضع البيض بيضه بيضه مع الخفق ثم الفانيليا وبشر البرتقال
• نقوم بوضع شويه دقيق ثم نخفق بالمضرب ثم شوبه عصير او لبن ثم دقيق ثم باقي العصير واخر حاجه هتبقي اخر شويه من الدقيق
• ثم نقلب بملعقه سباتيول للتاكد من ان المكونات تجانست ونضعها فوق الاناناس في الصيينيه وندخلها الفرن
• لمده 45 دقيق ولما تخرج هنسيبها دقيقه بس ونقلبها مباشره علي طبق التقديم وتترك لتبرد
• والكميه المتبقيه بعد الاكل تحفظ في التلاجه لان الاناناس ممكن يحمض

وبالهنا ولشفا...............

Dina Nada

لافاش lavosh

المقادير:

•  كوب دقيق عادي 

• ثلث كوب دقيق قمح او ممكن استبداله بدقيق عادي 

• 2 ملعقه كبيره سمسم

• 2 ملعقه كبيره حبه البركه او استبدالها بالسمسم

• 1 ملعقه كبيره زعتر ظازه مفروم او استبداله ب 1 ملعقه صغيره زعتر ناشف

• 1 ملعقه كبيره ملح

• ربع كوب زيت زيتون او زيت ذره

• 1 ملعقه كبيره زيت سمسم او استبدالها باي نوع زيت

• نصف كوب ماء

الطريقه:

• يسخن الفرن علي درجه حراره متوسطه

• في بوله يتم خلط الدقيق والسمسم والزعتر والملح

• في بوله تانيه نخلط الماء والزيت ونضفهم علي الدقيق ونقلب بملعقه لحد لما يختلطو جيدا

• نقسم العجينه 4 قطع ونفرد كل قطعه بالنشابه رقيق جدا ثم نقطعها دوائر مربعات مثلثات اي اشكال نحبها ونحطها في صينيه عليها ورقه زبده وندهنها بفرشه بزيت زيتون او زيت عادي وندخلها الفرن من 15- 18 دقيقه لحد لما تبقي دهبي ونطلعها ونسيبها تبرد وهتبقي مقرمشه زي اللي بتشتروها من الفرن وبعد ماتبرد تماما تحطوها في كيس بلاستك وتقفلو عليها عشان تفضل مقرمشه

ملحوظه/

من الممكن تقليل كميه الملح واستبدالها باننا نرش علي وش اللافاش جبنه رومي مبشوره

وبالهنا والشفا
Dina Nada

المحوجه traditional sweet from egypt) Mehawega

المحوجه علي طريقه أمي:

المقادير :

• كيلو دقيق
• نص كيلو سكر
• نصف كوب سمن
• كوب وربع زيت ذره
• 2 معلقه كبيره جوز هند
• 2 ملعقه كبيره سمسم
• تلات اربع كوب لبن
• ونصف كوب ماء
• 3ملعقه صغيره خميره بسكوت
• 1 ملعقه صغيره بيكنج بودر
• 1 قرطاس محوجه لكيلو دقيق

الطريقه:

• يخفق الزيت والسمن والسكر بالمضرب الكهربي حتي يذوب السكر ثم يضاف اللبن والماء

• يخلط الدقيق وقرطاس المحوجه والبودر والخميره البسكوت وجوز الهند والسمسم 

• ثم يضاف غلي المواد السائله ويعجن حتي تلم العجينه معاكي 

• تفرد في صواني مدهونه زيت وترش علي الوجه سمسم ويكون سمكها في الصينييه نصف سم لانها هتنفش 

• وندخلها فرن متوسط ساخن مسبقا ولما تقرب تستوي بتطلعيها تخرطيها بالسكينيه وتدخليها لان لما تستوي وتبرد هتنشف مش هتعرفي تخرطيها 

• ولما تستوي بتطليها من الفرن وتسبيها في الصواني لحد لما تبرد وتطلعيها بالسكينيه 

• وتحفظ في اكياس بلاستك محكمه الغلق ..

وبالهنا والشفا........

Dina Nada

صينيه البطاطا sweet potato

المقادير والطريقه:

بطاطا حوالي نص كيلو او كيلو ده علي حسب الكميه اللي عندك وحجم الصنيه اللي هتعملي فيها هنغسلقها بقشرها وبعدين نقشرها ونقطعها مكعبات ونحط عليه شويه مياه صغيرين يعني نص كوبايه مثلا وده برضه علي حسب الكميه بس ماتحطيش مياه كتير لان البطاطا بتستوي بسرعه واحنا عايزنها تشرب ميتها عشان ماتفقدش اي فيتامينات فيها وهتبقي مهروسه 

لما تبرد شويه هتحطيها في طبق عميق وتحطي عليها ملعقه سمنه وتقلبيها وتحطي عليها جوز هند مبشور يعني من 3 ملاعق لنص كوب برضه علي حسب كميه البطاطا اللي عندك وتحطي زبيب ونص ملعقه بيكنج بودر ونص ملعقه بيكربوناتو وسكر علي حسب الطعم يعني حطي شويه بشويه ودوقيها لحد ماتحسي ان طعمها مناسب وتحطي شويه لبن حوالي نص كوب برضه ورشه فانيليا وحته قشطه لوعندك يعني ملعقه كبيره او مش مهم لوماعندكيش وتقلبيها كويس وتحطي ملعقتين نشا وتقلبي كويس وتهريسها اوي لوكان فيها حتت مكلكعه حاولي تبقي كلها مهروسه كويس اوي وتجيبي صينيه مناسبه وتدهنيها سمنه وبعدين تحطي البطاطا وتفرديها ولوعايزة تحطيلها مكسرات علي الوش اوك اما لومش عايزة يبقي كفايا الزبيب اللي جواها وبعدين تحطي علي وشها قطع قشطه متفرقه علي كل السطح او حطي حتت سمنه متفرقه برضه علي سطح البطاطا عشان تحمر وبعدين تدخليها الفرن ولما تحسي انها استوت من تحت وحروفها احمرت بتشغلي الشوايه وتسبيها لحد لما وشها يحمر وطلعيها من الفرن وسبيها تبرد وقطعيها وبالهنا والشفا....

Dina Nada

pizza dough (عجينه البيتزا )

المقادير:

• 3 كوب دقيق جميع الاستخدامات

• 1ملعقه كبيره خميره فوريه - رشه سكر

• 1ونص ملعقه صغيره ملح

• 1كوب ماء دافئ

• زيت زيتون

الطريقه:

• يوضع في اناء عميق الدقيق والملح ويخلط باليد

• تذوب الخميره في ربع كوب ماء دافئ ورشه سكر وتترك جانبا حتي تتكون الفقاقيع علي السطح

• تضاف لخليط الدقيق وتقلب ثم يتم اضافه الماء تدريجيا حتي يتكون عجين وويتم عجنها علي الرخامه او في طبق واسع جيدا حوالي 6 ل 10 دقائق حتي تصبح ملساء وناعمه السطح

• تكور وتدهن البوله بزيت الزيتون ويوضع بداخلها كره العجين وتقلب حتي يغطيها الزيت بطبقه رقيقه وتغطي ببلاستك فيلم او بقماشه جيدا ثم تتترك لتخمر ولما يتضاعف حجمها

•  تقسم العجينه ل 4 كور وتغطي جيدا وتوضع في الثلاجه من 12- 24 ساعه بس انتي لومستعجله اعمليها من بليل واستخدميها تاني يوم او اعملها الصبح بدري وحطيها وقبل ماتستخدميها طلعيها من التلاجه بحوالي ساعه المهم هتتضاعف وتاخد درجه حراره الغرفه ثم تفرد علي سطح مرشوش بالدقيق وقبل ماتبدئ في فرد العجينه هتكوني مسخنه الفرن علي اعلي درجه حراره لانك هتحطيها وبتاخد حوالي بالكتير 10 دقائق وبتكون خلصت

• وضعها في لتلاجه بيخليها تختمر ببطئ فبيخلي العجينه رائعه وطريه وانا جربت طرق كتير للبيتزا بس لم يكن فيها اي اضافه زبادي كلها بتعتمد علي دقيق وملح ومياه وخميره وزيت زيتون

• وممكن تعجينها وتستخدميها بعد ماتخمر علطول بس المهم جدا عمليه العجن هتاخد منك 10 دقائق لان العجن مهم جدا في عمل البيتزا

وبالهنا والشفا

Dina Nada

بيتزا نص سوى

ممكن يعملها في اي وقت اعمليها نص سوي ولما تبرد احفظيها في كيس بلاستيك وبين كل واحد والتاني ورق زبده واحفظيها في الفريزر

ولما تحبي تاكلي بيتزا في اي وقت طلعيها من الفريزر وطلعيها من الكيس وسبيها تفك شوي علي ماتحضري الحشوه وتسخني الفرنوبتطلع روعه كانك لسه عاملاها ........

Dina Nada